2015 jylǵy 16 naýryz, Astana qalasy
Jer qoınaýyn paıdalanýǵa arnalǵan kelisimsharttar jobalarynyń ekonomıkalyq saraptamasyn júzege asyrý qaǵıdalaryn bekitý týraly
«Jer qoınaýy jáne jer qoınaýyn paıdalaný týraly» 2010 jylǵy 24 maýsymdaǵy Qazaqstan Respýblıkasy Zańynyń 26-babynyń 3-tarmaǵyn iske asyrý maqsatynda, buıyramyn:
1. Qosa berilip otyrǵan Jer qoınaýyn paıdalanýǵa arnalǵan kelisimsharttar jobalarynyń ekonomıkalyq saraptamasyn júzege asyrý qaǵıdalary bekitilsin.
2. Qazaqstan Respýblıkasy Ulttyq ekonomıka mınıstrliginiń Salyq jáne keden saıasaty departamenti:
1) osy buıryqtyń Qazaqstan Respýblıkasynyń Ádilet mınıstrliginde memlekettik tirkelýin;
2) osy buıryq memlekettik tirkelgennen keıin kúntizbelik on kún ishinde onyń merzimdi baspasóz basylymdaryna jáne «Ádilet» aqparattyq-quqyqtyq júıesine resmı jarııalaýǵa jiberilýin;
3) osy buıryqtyń Qazaqstan Respýblıkasy Ulttyq ekonomıka mınıstrliginiń resmı ınternet-resýrsynda jarııalanýyn qamtamasyz etsin.
3. Osy buıryqtyń oryndalýyn baqylaý Qazaqstan Respýblıkasynyń Ulttyq ekonomıka birinshi vıse-mınıstrine júktelsin.
4. Osy buıryq onyń alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Mınıstr E.DOSAEV.
«KELISILGEN»
Qazaqstan Respýblıkasynyń Investısııalar jáne damý mınıstri
________________Á.ISEKEShEV
2015 jylǵy 16 naýryz
«KELISILGEN»
Qazaqstan Respýblıkasynyń Energetıka mınıstri
___________________V.ShKOLNIK
2015 jylǵy 16 naýryz
Qazaqstan Respýblıkasy Ulttyq ekonomıka mınıstriniń
2015 jylǵy 16 naýryzdaǵy №202 buıryǵymen bekitildi
Jer qoınaýyn paıdalanýǵa arnalǵan kelisimsharttar jobalarynyń ekonomıkalyq
saraptamasyn júzege asyrý qaǵıdalary
1. Jalpy erejeler
1. Osy Jer qoınaýyn paıdalanýǵa arnalǵan kelisimsharttar jobalarynyń ekonomıkalyq saraptamasyn júzege asyrý qaǵıdalary «Jer qoınaýy jáne jer qoınaýyn paıdalaný týraly» Qazaqstan Respýblıkasynyń 2010 jylǵy 24 maýsymdaǵy Zańyna (budan ári - Zań) sáıkes ázirlendi.
2. О́ndirýge arnalǵan, sondaı-aq óndirý bóliginde birlesken barlaý jáne óndirýge arnalǵan kelisimsharttar jobalarynyń ekonomıkalyq saraptamasyn júzege asyrý qaǵıdalary (budan ári - Qaǵıdalar) jer qoınaýyn paıdalanýǵa arnalǵan kelisimsharttar jobalaryna, sondaı-aq buryn jasalǵan kelisimsharttarǵa tolyqtyrýlar men ózgerister jobalaryna ekonomıkalyq saraptama júrgizý tártibin aıqyndaıdy.
3. Osy Qaǵıdalarda mynadaı termınder men anyqtamalar qoldanylady:
1) jer qoınaýyn paıdalanýǵa arnalǵan kelisimsharttyń jobasy - jer qoınaýyn paıdalaný jónindegi operasııalardyń jekelegen túrlerin júzege asyrýǵa quzyretti organ nemese jer qoınaýyn zertteý men paıdalaný jónindegi ýákiletti organ men jeke jáne (nemese) zańdy tulǵa arasyndaǵy sharttyń jobasy;
2) jumys toby - erejeleri men quramyn memlekettik organdar bergen usynystar men kandıdatýralardyń negizinde quzyretti organ bekitetin, kelisimsharttar jobalarynyń sharttaryn qaraý jáne jer qoınaýyn paıdalanýshylarmen kelissózder júrgizý jónindegi jumys toby;
3) quzyretti organ - eger Qazaqstan Respýblıkasynyń zańdarynda jáne Qazaqstan Respýblıkasy Prezıdentiniń aktilerinde ózgeshe belgilenbese, Qazaqstan Respýblıkasynyń atynan keń taralǵan paıdaly qazbalardy barlaýǵa, óndirýge arnalǵan kelisimsharttardy qospaǵanda, barlaýǵa, óndirýge, birlesken barlaý men óndirýge arnalǵan kelisimsharttardy jasasýǵa jáne oryndaýǵa baılanysty quqyqtardy iske asyrýdy júzege asyratyn, Zańnyń 16 babynyń 13 tarmaǵyna sáıkes Qazaqstan Respýblıkasy Úkimetimen aıqyndalatyn ortalyq atqarýshy organ;
4) ekonomıkalyq saraptama - kelisimsharttar jobalarynyń talaptarynyń tender jeńimpazynyń konkýrstyq usynysyna, aýksıon, tenderde jeńiske jetýge negiz bolǵan aýksıon jeńimpazynyń ótinishine jáne aýksıon hattamasyna nemese tikeleı kelissózder hattamasynyń talaptaryna sáıkestigin tekserý maqsatynda júzege asyrylatyn taldaý jáne baǵalaý, jer qoınaýyn paıdalanýǵa jasalatyn kelisimsharttyń ekonomıkalyq tıimdiligi men oryndylyǵyn, jer qoınaýyn paıdalanýshynyń ken oryndaryn ıgerý kezinde bekitilgen jobalaý qujattaryna josparlanatyn salymdar men shyǵyndardyń negizdiligin, jobany júzege asyrýdyń áleýmettik mańyzdylyǵyn taldaý jáne baǵalaý.
Osy Qaǵıdada qoldanylatyn ózge de termınder men anyqtamalar Zańda qoldanylatyn termınder men anyqtamalarǵa sáıkes keledi.
4. Jer qoınaýyn paıdalanýǵa arnalǵan kelisimsharttar jobalarynyń ekonomıkalyq saraptamasy qujattardyń tolyq paketi quzyretti organnan kelip túsken kúnnen bastap kúntizbelik otyz kún ishinde júzege asyrylady.
5. Ekonomıkalyq saraptama nátıjeleri saraptamalyq qorytyndymen resimdeledi, ol teris nemese oń bolýy múmkin.
Jer qoınaýyn paıdalanýǵa kelisimshart jasasýǵa úmitker tulǵa saraptamalyq qorytyndyda jazylǵan eskertýlerdi joıý maqsatynda kelisimshart jobasyn pysyqtaıdy.
Kórsetilgen eskertýler joıylǵan jaǵdaıda memlekettik josparlaý salasyndaǵy ýákiletti organ qaıta saraptama júrgizedi. Qaıtalama saraptama, sondaı-aq ekonomıkalyq saraptamanyń oń qorytyndysy alynǵannan keıin jobalaý jáne ózge de qujattamaǵa ózgerister engizilgen jaǵdaılarda da júrgiziledi.
6. Ekonomıkalyq saraptamanyń eskertýlerimen kelispegen jaǵdaıda jer qoınaýyn paıdalanýǵa kelisimshart jasasýǵa úmitker tulǵa óziniń dáleldi qarsylyqtaryn Zańnyń 62-babyna sáıkes quzyretti organǵa olardy kelisim komıssııasynda qaraý úshin jiberedi.
7. Quzyretti organ usynylǵan qarsylyqtardy qaraý úshin qarsylyqtar túsken kúnnen bastap on jumys kúni ishinde kelisim komıssııasyn qurady. Kelisim komıssııasynyń quramyna quzyretti organnyń, eskertýlerdi usynǵan memlekettik josparlaý salasyndaǵy ýákiletti organnyń jáne kelisimshart jasasýǵa úmitker tulǵanyń ókilderi kiredi. Otyrys nátıjeleri boıynsha kelisim komıssııasy hattamada kórsetiletin usynymdardy ázirleıdi. Kelisim komıssııasynyń usynymdaryn eskerile otyryp, kelisimshart qaıtalap saraptamaǵa jiberiledi.
2. Jer qoınaýyn paıdalanýǵa arnalǵan kelisimsharttar jobalarynyń
ekonomıkalyq saraptamasyn júzege asyrý tártibi
8. О́ndirýge arnalǵan kelisimsharttar jobalaryna, birlesken barlaý jáne óndirýge arnalǵan kelisimsharttar jobalaryna, sondaı-aq buryn jasalǵan kelisimsharttarǵa tolyqtyrýlar men ózgerister jobalaryna óndirý bóliginde ekonomıkalyq saraptama júrgizý tártibin ekonomıkalyq saraptamasyn júrgizý úshin quzyretti organ memlekettik josparlaý salasyndaǵy ýákiletti organǵa:
1) tulǵany aýksıon jáne tender jeńimpazy dep taný týraly nemese tulǵanyń jer qoınaýyn paıdalaný quqyǵyn alýǵa tikeleı kelissózder júrgizýge quqyly ekenin kórsetetin quzyretti organnyń habarlama hatynyń kóshirmesin;
2) kelisimsharttar jobalarynyń sharttaryn qaraý jáne jer qoınaýyn paıdalanýshylarmen kelissózder júrgizý jónindegi jumys tobynyń otyrysynyń hattamasynyń kóshirmesin;
3) kelisimshart jobasyn;
4) tikeleı kelissózder hattamasynyń nemese tender jeńimpazynyń konkýrstyq usynysynyń, aýksıon jeńimpazynyń ótinishiniń jáne aýksıon hattamasynyń quzyretti organmen kýálandyrǵan kóshirmesin;
5) taý-kendik bólýdiń kóshirmesin;
6) geologııalyq aqparatty satyp alý kezinde qupııalylyq týraly kelisimniń tarıhı shyǵyndar somasynyń esebi qosa berilgen kóshirmesin;
7) jumys baǵdarlamasynyń jobasyn;
8) shyǵyndardy jáne josparlanǵan jumystardy qarjylandyrýdy jyldar bóliginde kórsete otyryp jobalaý qujatynyń ekonomıkalyq bóliginiń kóshirmesin;
9) paıdaly qazbalar qory jónindegi memlekettik komıssııanyń saraptama qorytyndysynyń nemese paıdaly qazbalar qory jónindegi memlekettik komıssııa otyrysy hattamasynyń kóshirmesin qamtıtyn qujattar paketin usynady.
9. О́ndirýge arnalǵan, sondaı-aq óndirý bóliginde birlesken barlaý jáne óndirýge arnalǵan kelisimsharttar jobalarynyń ekonomıkalyq saraptamasy:
1) kelisimsharttar jobalary erejeleriniń Qazaqstan Respýblıkasynyń ekonomıka jáne qarjy salasyndaǵy zańnama talaptaryna sáıkestigin tekserýdi;
2) kelisimshart talaptarynyń aýksıon jeńimpazynyń ótinishine jáne aýksıon hattamasyna, tender jeńimpazynyń konkýrstyq usynysyna nemese tikeleı kelissózderdiń sharttaryna jáne jer qoınaýyn paıdalanýǵa arnalǵan kelisimsharttar jobalarynyń sharttaryn talqylaý jáne jer qoınaýyn paıdalanýshylarmen kelissózder júrgizý jónindegi jumys toby otyrysynyń qorytyndysyna sáıkestigin baǵalaýdy;
3) bekitilgen jobalaý qujattaryna kelisimshart jobasynda boljanatyn jumys kólemi men tıisti shyǵyndardyń ekonomıkalyq dáıektiligin baǵalaýdy;
4) jobany iske asyrýdyń áleýmettik mańyzdylyǵyn baǵalaýdy;
5) jobany ekonomıkalyq baǵalaýdy (qoldanylatyn tehnologııalar jáne jobany iske asyrýdyń áleýmettik mańyzy eskerile otyryp, josparlanatyn tabystar men shyǵyndarda jobany iske asyrýdyń ekonomıkalyq oryndylyǵy);
6) jobanyń qarjylyq kórsetkishterin (aqsha qarajaty aǵynyn, aǵymdaǵy taza qunyn, paıdanyń ishki normasyn, ótelý merzimin) baǵalaýdy;
7) jobanyń bıýdjettik tıimdiligin baǵalaýdy qamtıdy.
10. Ekonomıkalyq saraptama júrgizýdiń nátıjesi hat túrinde resimdeletin saraptamalyq qorytyndy bolyp tabylady.
11. Kelisimshart jobasynyń saraptama qorytyndysy mynalardy qamtıdy:
1) joba parametrleriniń qysqasha sıpattamasy (jer qoınaýyn paıdalanýshy, kelisimsharttyq aýmaq, jer qoınaýyn paıdalaný boıynsha júrgiziletin operasııalardyń túrleri, kelisimshart jasasý úshin negizdemeler, kúrdeli shyǵyndardyń josparlanǵan kólemi, boljanatyn jobalyq qýat týraly málimetter);
2) usynylǵan qujattar tizbesi;
3) osy Qaǵıdalarǵa sáıkes kelisimshart erejelerine júrgizilgen taldaý men baǵalaýdyń qysqasha nátıjeleri;
4) tujyrymdar, eskertýler men usynymdar.
12. Saraptamalyq qorytyndy mynadaı tujyrymdardyń birin qamtıdy:
1) qaraý nátıjesinde joba boıynsha boljanatyn shyǵyndar kóleminiń negizdiligi, onyń parametrleriniń aýksıon jeńimpazynyń ótinishine jáne aýksıon hattamasyna, tender jeńimpazynyń konkýrstyq usynysyna nemese tikeleı kelissózder hattamasynyń talaptaryna sáıkestigi rastalǵandyqtan, oń baǵalanǵan jer qoınaýyn paıdalanýǵa kelisimshart jobasyn kelisý;
2) qaraý nátıjesi boıynsha teris qorytyndynyń berilýge baılanysy jer qoınaýyn paıdalanýǵa arnalǵan kelisimshart jobasyn kelisýden bas tartý. Saraptamada boljanatyn shyǵyndardyń aıtarlyqtaı aýytqýlary (kóterilýi nemese tómendeýi), tehnıkalyq parametrlerdiń buzylýy, jobalaý qujattaryna qaǵıdatty túrde sáıkes kelmeý jáne oryn alǵan jaǵdaıda kelisimshart jasasý orynsyz bolatyn basqa da kemshilikter anyqtaldy.
13. Jer qoınaýyn paıdalanýǵa arnalǵan kelisimshart jobasyna júrgizilgen ekonomıkalyq saraptama nátıjesi boıynsha saraptamalyq qorytyndyǵa memlekettik josparlaý salasyndaǵy ýákiletti organnyń tıisti laýazymdy tulǵasy qol qoıady jáne ol quzyretti organnyń mekenjaıyna jiberiledi.
14. Jer qoınaýyn paıdalanýǵa arnalǵan kelisimsharttyń pysyqtalǵan jobasy ekonomıkalyq saraptamaǵa qaıta usynylǵan jaǵdaıda, osy Qaǵıdalarǵa sáıkes talap etiletin qujattar paketi engizilmeıdi.
15. Bastapqy qorytyndyda kórsetilgen eskertýler joıylǵannan keıin jer qoınaýyn paıdalanýǵa kelisimshart jobasyna qaıtalama saraptama osy Qaǵıdalardyń 4-tarmaǵynda belgilengen merzimde júrgiziledi.
16. О́ndirý kezeńiniń jumys baǵdarlamasynyń jobasy jobalaý qujattarynda kózdelgen mynadaı negizgi jobalaý kórsetkishteri men ınvestısııalardyń qajetti kólemin, sondaı-aq jyldar boıynsha bóle otyryp, negizgi jobalaý kórsetkishterine qol jetkizý úshin qajetti is-sharalar men shyǵyndardy qosa otyryp:
1) jyl saıynǵy óndirý kólemin;
2) óndiristik obektilerdi jáne olardy jobalaý, salý (turǵyzý) merzimderin;
3) kelisimsharttyq aýmaqta burǵylanýy josparlanǵan uńǵymalardyń sanyn, olardy aıaqtaý merzimderin;
4) qajetti ınfraqurylym obektileriniń tizbesin, olardy jobalaý, salý (turǵyzý) merzimderin;
5) oryndalatyn geologııalyq-barlaý jumystarynyń kólemin;
6) oryndalatyn geologııalyq-barlaý jumystarynyń túrleri boıynsha shyǵyndardy;
7) jer qoınaýyn paıdalaný jónindegi operasııalardy júrgizýdiń tehnıkalyq jáne tehnologııalyq jaǵdaılaryn, jabdyqtyń jalpy sıpattamasyn, qosymsha jáne áleýmettik ınfraqurylymdy damytýdy negizge ala otyryp, amortızasııalyq aýdarymdar somasy kórsetilgen kúrdeli shyǵyndardy (olar bar bolǵan jaǵdaıda);
8) tartylǵan personaldyń sany eskerilgen eńbekaqy tóleý qoryn;
9) taratý qoryn qalyptastyrý boıynsha shyǵystardy;
10) qazaqstandyq personaldy oqytýǵa arnalǵan shyǵystardy;
11) qyzmet óńiriniń áleýmettik ınfraqurylymyn damytýǵa qatysý boıynsha shyǵystardy;
12) ǵylymı-zertteýler men tájirıbelik-konstrýktorlyq jumystarǵa arnalǵan shyǵystardy;
13) janama shyǵystardy;
14) jer qoınaýyn paıdalanýǵa arnalǵan kelisimshart boıynsha qyzmetti júzege asyrý sheńberindegi salyq jáne bıýdjetke tólenýge jatatyn basqa da mindetti tólemderdi;
15) óndiriletin paıdaly qazbalardyń túrleri boıynsha oryndalatyn jumystar men shyǵyndardyń kólemin;
16) ınflıasııany eskere otyryp, quzyretti organ aıqyndaıtyn bastapqy óńdeýden ótken mıneraldy shıkizatty jáne qoldanystaǵy baǵamen ishki jáne syrtqy naryqtarǵa bólýdi kórsete otyryp, paıdaly qazbalardyń túrleri boıynsha óndirý jáne ótkizý kólemin;
17) joba boıynsha jáne ónim túrleri boıynsha jalpy jıyntyq tabysty;
18) negizgi baptardyń maǵynasyn asha otyryp, óndirý men shıkizatty bastapqy qaıta óńdeý kezeńderi boıynsha paıdalaný shyǵyndaryn;
19) salyq salynatyn tabysty;
20) salyq tólengennen keıin jer qoınaýyn paıdalanýshynyń ıeliginde qalatyn josparlanǵan taza tabysty;
21) josparlanǵan jyldyq aqsha aǵynyn;
22) dıskonttaý stavkalary 10, 15 jáne 20 paıyzǵa teń bolǵan kezdegi jobanyń aǵymdaǵy keltirilgen taza qunynyń ólshemderin;
23) joba boıynsha jalpy jáne jyldar boıynsha joba rentabeldiliginiń ishki normasynyń kórsetkishin qamtıdy.
Ekonomıkalyq saraptama júrgizý úshin joldanatyn qujattar Elektrondyq qujat aınalymynyń biryńǵaı júıesi arqyly resmı túrde usynylady. Elektrondyq qujat aınalymynyń biryńǵaı júıesi arqyly joldanatyn qujattar kólemi 50 megabaıttan asqan jaǵdaıda, jobalyq qujattardyń quzyretti organnyń tıisti bólimshesi dırektorymen qol qoıylǵan qaǵaz júzindegi kóshirmesi usynylady.
Buıryq Qazaqstan Respýblıkasynyń Ádilet mınıstrliginde 2015 jylǵy 23 sáýirdegi Normatıvtik quqyqtyq kesimderdi memlekettik tirkeýdiń tizilimine №10778 bolyp engizildi.